السلام عليكم و رحمة الله
في موضوع اليوم أردت أن أذكر خاوتي وكنصائح تحتاجهم في غربتك ونصححو معلومات خاطئة .
📌حاول تحتك وتدير علاقات مع صاحب البلد الأصلي
📌اخطيك من الدصارة تاع العرب من كل الجنسيات وهذا ماش عنصرية ،هذه عن طريق تجارب ( في اغلب الحالات تداصر العرب وتندم يلحقوك للمحال ) امالا من لول اعرف واش تختار .
📌 الأوروبيين ماش ملائكة كاين فيهم العنصرية والمرخس ،كاين الي كالي قلبه يخدعك عادي حطها في راسك ماش ملائكة كما يحكو اعليهم توجور .(حبات قلال)
📌كاين فكرة خاطئة فالبلاد بأنه شعب #خرانسا مايهدروش أونڨلي ❌ هادي غلطة ماتنساش حنا نتعلمو من الصغر le français 🇫🇷 و English language 🇬🇧 هوما تان يتعلمو لونڨلي واسبانية .
هوما يتعلمو نطق صحيح وفايتينا بالمصطلحات ،كشغل لهجات تونسية ودزيرية ماش متباعدين بزاف ما عدا تصريف الافعال .
ناصيون = Nation (أمة) 🇫🇷
نايشن = Nation (أمة) 🇬🇧 هذا مثال بسيط برك أمالا خاوتي جامي تحڨرو بيهم ،مستوى قرايتهم راه بعيد شوي اعلينا ويتعبو ماش كما حنا ديفوا نضربوها بطالون .
📌تسمع كلمة حنا في دزاير نضحكو على بعضانا هدا معسكري وهدا جيجلي وهدا وليد لعقيبة ياخو و les gwer
مايعيبوش على بعضاهم .❌ هادي تان فكرة غالطة هنا في فرنسا تاع paris يضحكو على تاع Marseille
كذلك تاع مارساي مايبغوش تاع باريس .
كاين تاني تاع باريس يضحكو على les bretons إقليم لابروطاني . يقولولهم انتم عروبية وطول لعام عندكم الشتا تطيح والضباب (صح عندهم طبيعة خضراء HD يابوڨلب )
وكذلك نفس الشي تاع لابروطاني يضحكو على تاع باريس يقولولهم ماعندكمش البحر وهي ماشية .
📌هنا دورو يعبدوه مايلعبوش معاه خلاص و le plaisir مكنش الا من رحم ربك ،
هادي كانت بعض لحوايج الي نصححها لخاوتي قبل ماتجي وتنغر بيهم .
تعليقات
إرسال تعليق